Kalayaan ay Mahalaga

   Masaya tayo dahil ibinigay ng panginoon ang mundo sa atin para dito tayo manirahan. Masaya tayo dahil nabuhay tayo sa mundong puno ng pagmamahalan. May mga punong nagsasayawan dahil sa hanging masarap langhapin, mga ibong nagkakantahan kung titignan ang paligid ito ay maganda at halatang bawat isa ay may kalayaan. Ang Kalayaan ay isang napakahalagang karapatan ng bawa’t tao, kung mayroon ka nito, walang gumagapos o pumipigil sa anumang iyong ninanais at nilalayon sa buhay. Mayroon kang laya na gampanan ang mga bagay na magpapaunlad at magpapaligaya sa iyo. Malaya kang lumikha, humimok, magtatag, at magsagawa ng mga makabuluhang bagay sa ikakaunlad ng iyong sarili, mga kasamahan, at maging ang iyong pamayanan. Wala kang magiging anuman na agam-agam o inaala-ala, maging maliit o malaki man, sa paggawa ng mga ito. Mapayapa, mahusay, at maligaya ka sa pagtupad ng mga tungkulin bilang masunuring mamamayan.


Ano ba talaga ang ibig sabihin ng kalayaan? Malaya ba tayong gawin ang lahat ng gusto natin? Mahalaga ba ang kalayaan sa ating buhay? Bakit mahalaga ang kalayaan sa isang bansa?

Ang ibig sabihin ng kalayaan ay malaya tayong gawin kung ano ang gusto natin, malaya tayong mag desisyon sa buhay natin na hindi tayo pinakikialaman ng tao. Mahalaga ang kalayaaan sa bawat mamamayan ng isang bansa. Nagagawa nila ang lahat ng gusto nilang gawin sa pamamagitan ng pagkakaroon ng kalayaan. Lahat ng tao ay may kalayaan , bata man o matanda. Tayong mga tao malaya tayong gawin lahat kung ano ang gusto nating gawin ngunit ito ay may limitasyon. Malaya tayong mag-isip, matulog,tumulong,mag-aral at iba pa. pero maraming mga tao ngayon na inaabuso na ang kanilang kalayaan gumagawa na sila ng masasamang bagay kagaya nalang ng pumatay ng tao, mang rape, kumuha ng bagay na hindi sa kanila at iba pa. Binigyan tayo ng panginoon ng kalayaan pero bakit hindi pa kuntento ang mga tao kaya nga makagawa sila ng kasalanan. Mahalaga ang kalayaan sa isang bansa dahil malayang namumuhay at nagtratrabaho ang mga tao sa isang bansa, hindi inaapi at indi minamalupit.,masasabing mahalaga ang kalayaan dahil sa dinanas ng mga pilipino sa mga hapones,.kaya naman mahalaga din ito sa bawat bansa dahil sa malaya silang makihalubilo sa mga tao,.at malaya silang mag protesta sa mga maling gawain ng mga nasa gubyerno.